Wênekêş

Êwareyekî direngwext.

Xornişîn xoy wênekêş bû…

Barîkele û qijî tenk!.

Le ser kursîy hewrêk spî

Piştkomawe… danîştibû

Keme… keme

Rengî sûr û rengî zerdî

Le naw defrekî aso da

Têkell kird û

Tabloyekî pirteqallîy siryaliyaney

Lê dirust kird:

“Firîşteyek le memkî allawe û

Dozexewan rawestawe û

Kollewijî lolaqêkî be destewe û

Pê ekenê!”

Xorinşînî wênekêşî şipirzey naw

Rengî ciyaciya

Tabloy hellgirt day be şanya

Ta wek diyarî

Bîba bo kiçe estêrey gerdûnî dûr!

Hêşta ew her be rê we bû

Le deştî hewr eperriyewe

Le pirr tarîkî rêjiney baranêkî darrjan û

Tablo xusayewe rengî û

Wênekêşîş le meraq da…

Lew dîw şaxekan awa bû!

Şêrko Bêkes

gacude